അനധികൃത വിദേശമദ്യ വില്‍പ്പന - യുവാവ് അറസ്റ്റില്‍

അനധികൃതമായി വിദേശമദ്യം കൈവശം വച്ച് വില്‍പ്പന നടത്തിയ ചാത്തന്നൂര്‍ കുമ്മല്ലൂര്‍ സ്വദേശി മധുസൂതനന്‍ മകന്‍ ഷിനു(42) ആണ് ചാത്തന്നൂര്‍ പോലീസിന്റെ പിടിയിലായത്. കൊല്ലം ജില്ലാ പോലീസ് മേധാവിക്ക് കിട്ടിയ രഹസ്യവിവരത്തിന്റെ അടിസ്ഥാനത്തില്‍ ഇന്ന് രാവിലെ ചാത്തന്നൂര്‍ പോലീസും സിറ്റി ഡാന്‍സാഫ് ടീമും സംയുക്തമായി നടത്തിയ പരിശോധനയില്‍ പ്രതി വീടിന് സമീപം ഓട്ടോറിക്ഷയില്‍ വച്ച് മദ്യവില്‍പ്പന നടത്തുന്നത് കണ്ടതിനെ തുടര്‍ന്ന് ഇയാളെ കസ്റ്റഡിയിലെടുക്കുകയും തുടര്‍ന്ന് നടത്തിയ പരിശോധനയില്‍ പ്രതിയുടെ വീട്ടില്‍ നിന്ന് 16 ലിറ്റര്‍ വിദേശമദ്യവും കൂടി കണ്ടെത്തുകയുമായിരുന്നു. മദ്യവ്യാപാര സ്ഥപനങ്ങള്‍ തുടര്‍ച്ചയായി അവധിയായ രണ്ടു ദിവസങ്ങളില്‍ ചില്ലറ വില്‍പ്പന നടത്താനായി വാങ്ങി സൂക്ഷിച്ചിരുന്ന വിദേശമദ്യമാണ് പിടികൂടിയത്. ചാത്തന്നൂര്‍ പോലിസ് സ്റ്റേഷന്‍ സബ് ഇന്‍സ്‌പെക്ടര്‍ ബി കെ ബിജുബാല്‍ എ.എസ്.ഐ സാംജി ജോണ്‍, സിപിഒ മാരായ പ്രേം ലാല്‍, ബിജു, സുമിന ടി താജ്, എസ്.ഐ സായി സേനന്റെ നേതൃത്വത്തിലുള്ള എ.എസ്.ഐ മാരായ സജു, സീനു, മനു, സി.പി.ഒ മാരായ അനൂപ്, റഫീക് എന്നിവരടങ്ങിയ ഡാന്‍സാഫ് സംഘവും ചേര്‍ന്നാണ് പ്രതിയെ വിദേശമദ്യവുമായി പിടികൂടിയത്.