എം.ഡി.എം.എയുമായി യുവാവ് പിടിയില്‍.

നെടുമ്പന വില്ലേജില്‍ വടക്കേമുക്ക് പുതുപ്പള്ളിക്കട വീട്ടില്‍ ഷാജഹാന്‍ മകന്‍ ഹുസൈന്‍(25) നെ ആണ് കൊല്ലം ഈസ്റ്റ് പോലീസിസും കൊല്ലം എസിപി ഷെരീഫിന്റെ നേതൃത്വത്തിലുള്ള ഡാന്‍സാഫ് സംഘവും ചേര്‍ന്ന് പിടികൂടിയത്. ഇന്നെലെ വൈകുന്നേരം നാലേമുക്കാലോടെ കൊല്ലം റെയില്‍വേ പരിസരത്തുനിന്ന് പിടികൂടിയത്. പ്രതി വില്‍പ്പനയ്ക്കായി എത്തിച്ച 20.94 ഗ്രാം എംഡിഎംഎയും പിടിച്ചെടുത്തിട്ടുണ്ട്. കൊല്ലം സിറ്റി പോലീസ് ജില്ലയെ ലഹരി സംഘങ്ങളുടെ പിടിയില്‍ നിന്നും രക്ഷിക്കാന്‍ ജില്ലാ പോലീസ് മേധാവി ശ്രീമതി കിരണ്‍ നാരായണന്‍ ഐ.പി.എസ് ന്റെ നേതൃത്വത്തില്‍ 'മുക്ത്യോദയം' എന്ന ലഹരി വിരുദ്ധ കര്‍മ്മ പദ്ധതി ആവിഷ്‌കരിച്ച് നടപ്പിലാക്കി വരികയാണ്. ഇതിന്റെ ഭാഗമായി ജില്ലയില്‍ ഉടനീളം ലഹരി സംഘങ്ങള്‍ക്കായുള്ള പരിശോധനകളും ശക്തമാക്കിയിട്ടുണ്ട്. ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഹുസൈന്‍ പിടിയിലായത്. കൊല്ലം ഈസ്റ്റ് പോലിസ് സ്റ്റേഷന്‍ ഇന്‍സ്‌പെക്ടര്‍ അനില്‍കുമാറിന്റെ നേതൃത്വത്തില്‍ എസ്.ഐ അശ്വനിയും എസ്.ഐ കണ്ണന്റെ നേതൃത്വത്തിലുള്ള ഡാന്‍സാഫ് സംഘവും ചേര്‍ന്നാണ് പ്രതിയെ പിടികൂടിയത്.