വെള്ളിയാഴ്ച 29 ഓഗസ്റ്റ് 2025
English
Sitemap
- Emergency Helpline No. 112
- യോദ്ധാവ് 9995 966 666
കോടതി പരിസരത്ത് അനുമതിയില്ലാതെ വീഡിയോ ചിത്രീകരിച്ച് പ്രചരിപ്പിച്ച പ്രതികള്‍ പിടിയില്‍
കോടതി പരിസരത്ത് വിചരണയ്ക്ക് എത്തിച്ച കൊലക്കേസ് പ്രതികളുടെ വീഡിയോ ചിത്രീകരിച്ച് സാമൂഹിക മാധ്യമങ്ങളിലൂടെ പ്രചരിപ്പിച്ച സംഭവത്തില്‍ പ്രതികള്‍ പോലീസ് പിടിയിലായി. ഓച്ചിറ അമ്പലശ്ശേരിയില്‍ ഹരിഷ് മകന്‍ അമ്പാടി(24), മരു തെക്ക് റോഷ് ഭവനത്തില്‍ ബാബുരാജ് മകന്‍ റോഷന്‍(38), ഓച്ചിറ ശ്രീകൃഷ്ണ വിലാസത്തില്‍ മധുകുമാര്‍ മകന്‍ അനന്തകൃഷ്ണന്‍(24), ഓച്ചിറ കൊച്ചുപുര കിഴക്കതില്‍ സരസ്സന്‍ മകന്‍ അജിത്ത്(28), മഠത്തില്‍ കാരായ്മ പഞ്ചകതറയില്‍ രാജശേഖരന്‍ മകന്‍ ഹരികൃഷ്ണന്‍(26), മഠത്തില്‍ കാരായ്മ ദേവസുധയില്‍ ദേവദാസന്‍ മകന്‍ ഡിപിന്‍(26), മണപ്പള്ളിയില്‍ തളത്ത് മനോഹരന്‍ മകന്‍ മനോഷ്(36), വള്ളികുന്നത്ത് അഖില്‍ ഭവനത്തില്‍ പ്രസാദ് മകന്‍ അഖില്‍(26) എന്നിവരാണ് കരുനാഗപ്പള്ളി പോലീസിന്റെ പിടിയിലായത്. കഴിഞ്ഞ മാസം 28-ാം തീയതി കരുനാഗപ്പള്ളി ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ വിചാരണയ്ക്കായി എത്തിച്ച സന്തോഷ് കൊലക്കേസിലേ വിചാരണ തടവുകാരായ അതുല്‍, മനു എന്നിവരുടെ വീഡിയോ ദൃശ്യങ്ങള്‍ ജയില്‍ ചട്ടങ്ങള്‍ക്ക് വിരുദ്ധമായി പകര്‍ത്തുകയും നിരോധിത ഉല്‍പ്പന്നങ്ങള്‍ വിചാരണ തടവുകാര്‍ക്ക് പ്രതികള്‍ക്ക് കൈമാറുകയും ചെയ്തു. ഇവര്‍ പകര്‍ത്തിയ ദൃശ്യങ്ങള്‍ റീല്‍സായി സമുഹമാധ്യമങ്ങളിലൂടെ പ്രചരിപ്പിച്ച് സമുഹത്തിന് അപകടകരമായ സന്ദേശം നല്‍കി എന്ന കരുനാഗപ്പള്ളി ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കേടതിയുടെ പരാതിയുടെ അടിസ്ഥാനത്തില്‍ കരുനാഗപ്പള്ളി പോലീസ് വീഡിയോ ചിത്രികരിച്ച് പ്രചരിപ്പിച്ച പ്രതികള്‍ക്കെതിരെ കേസ് രജിസ്റ്റര്‍ ചെയ്ത് പിടികൂടുകയായിരുന്നു.
കരുനാഗപ്പള്ളി എ.എസ്.പി അഞ്ജലി ഭാവന ഐ.പി.എസിന്റെ നിര്‍ദ്ദേശാനുസരണം കരുനാഗപ്പള്ളി ഇന്‍സ്‌പെക്ടര്‍ ബിജുവിന്റെ നേതൃത്വത്തില്‍ എസ്.ഐ മാരായ ഷമീര്‍, അഷിഖ്, ആദര്‍ശ്, എസ്.സി.പി.ഒ ഹാഷിം, സി.പി.ഒ പ്രശാന്ത്, എസ്.ഐ അനീഷിന്റെ നേതൃത്വത്തിലുള്ള ഡാന്‍സാഫ് ടീം അംഗങ്ങളും ചേര്‍ന്നാണ് പ്രതികളെ അറസ്റ്റ് ചെയതത്.
സന്ദർശകർ