ഒഡീഷയിൽ നിന്നും ഗഞ്ചാവ് എത്തിക്കുന്ന യുവാവ് അറസ്റ്റിൽ

ഒഡീഷയിൽ നിന്നും വ്യാവസായിക അടിസ്ഥാനത്തിൽ കേരളത്തിലേക്ക് ഗഞ്ചാവ് എത്തിച്ച് വിൽപ്പന നടത്തി വന്ന യുവാവിനെ കൊട്ടിയം പോലീസ് അറസ്റ്റ് ചെയ്യ്തു. തഴുത്തല വടക്കുംകര കിഴക്കേ ചേരിയിൽ ഉമയനല്ലൂർ ഷിബിന മൻസിലിൽ അബ്ദുൾ ലത്തീഫ് മകൻ ഹാരിസ് എന്ന ഷഹനാസ്(26) ആണ് കൊട്ടിയം പോലീസിന്റെയും ഡാൻസാഫ് സംഘത്തിന്റെയും ശ്രമ ഫലമായി പിടിയിലായത്. ജൂൺ മാസം 23-ാം തീയതി മൂന്നര കിലോ ഗഞ്ചാവുമായി കൊട്ടിയം കൊട്ടുംപുറം തടത്തിൽ വീട്ടിൽ സുദർശനൻ മകൻ ചിന്തുരാജ്(24), കൊട്ടിയം കൊട്ടുംപുറം വാഴവിള വീട്ടിൽ ബൈജു മകൻ അഭിനവ്(24) എന്നിവരെ കൊട്ടിയം പോലീസ് സ്റ്റേഷൻ പരിധിയിലെ ആദിച്ചനല്ലൂരിൽ നിന്നും പിടികൂടി കോടതിയിൽ ഹാജരാക്കി റിമാന്റ് ചെയ്യ്തിരുന്നു. ഈ കേസിന്റെ അന്വേഷണത്തിന്റെ ഭാഗമായി നടത്തിയ ചോദ്യം ചെയ്യലിലാണ് ഇവർക്ക് ഒഡീഷയിൽ നിന്നും ഗഞ്ചാവ് എത്തിച്ച് നൽകിയ ഷഹനാസിനെ പറ്റിയുള്ള വിവരം ലഭിച്ചത്. തുടർന്ന് കൊട്ടിയം പോലീസ് നടത്തിയ അന്വേഷണത്തിൽ ഒഡീഷയിൽ നിന്നും വ്യാവസായിക അടിസ്ഥാനത്തിൽ കേരളത്തിലേക്ക് ഗഞ്ചാവ് എത്തിച്ച് വിൽപ്പന നടത്തുന്ന മുഖ്യ കണ്ണിയാണ് ഷഹനാസ് എന്ന് കണ്ടെത്തുകയായിരുന്നു. തുടർന്ന് കൊല്ലം സിറ്റി പോലീസ് കമ്മീഷണർ കിരൺ നാരായണൻ ഐ.പി.എസ് ന്റെ നിർദ്ദേശപ്രകാരം കൊട്ടിയം പോലീസും ഡാൻസാഫ് സംഘവും സംയുക്തമായി നടത്തിയ പരിശ്രമത്തിന്റെ ഫലമായി ഇയാളെ കണ്ടെത്തി അറസ്റ്റ് ചെയ്യുകയായിരുന്നു. കൊട്ടിയം ഇൻസ്‌പെക്ടർ പ്രദീപിന്റെ നേതൃത്വത്തിൽ എസ്.ഐ മാരായ നിഥിൻ നളൻ, പ്രമോദ് സി.പി.ഒ മാരായ റഫീഖ്, വിപിൻ, ശംഭു, എന്നിവരടങ്ങിയ സംഘമാണ് ഇയാളെ പിടികൂടിയത്.