ഏഴാം ക്ലാസ്സുകാരി ദേവിപ്രിയയും, പ്ലസ് വണ്‍ വിദ്യാര്‍ത്ഥിനി ജീവയും അവരുടെ ഗുരുവും ജില്ലാ ഹെഡ്ക്വാര്‍ട്ടര്‍ ക്യാമ്പിലെ പോലീസ് ഉദ്യോഗസ്ഥനുമായ അജിയും കളരിയുടെ ചുവടുകളുമായി കളം നിറഞ്ഞപ്പോള്‍ അത് ഓംചേരിമഠം ഫ്‌ലാറ്റ് നിവാസികള്‍ക്ക് വേറിട്ട അനുഭവമായി. മാരകമായ രാസലഹരികള്‍ക്കപ്പുറത്തു ശരിയായ ജീവിത ലഹരി എന്തെുള്ള തിരിച്ചറിവില്‍ ഫ്‌ലാറ്റ് നിവാസികള്‍ അവരോട് സംവദിക്കുവാന്‍ എത്തിയ കൊല്ലം സിറ്റി ജില്ലാ പോലീസ് മേധാവി മുന്‍പാകെ അവരുടെ ആഗ്രഹങ്ങളുടെയും ആവലാതികളുടെയും കെട്ടഴിച്ചു. തങ്ങളുടെ മക്കള്‍ക്ക് ശരിയായ ജീവിത പാതതെളിച്ചു നല്‍കുവാന്‍ അവിടെ കളിസ്ഥലവും ലൈബ്രറിയും ഒക്കെ ആവശ്യമാണെുള്ളതടക്കം ഒട്ടനവധിയായിരുന്ന അവരുടെ ആവശ്യം വിവിധ വകുപ്പുകളെ ഏകോപിപ്പിച്ചുകൊണ്ട് ലഹരിക്കെതിരായി കൊല്ലം സിറ്റി പോലീസ് ആവിഷ്‌കരിച്ചു നടപ്പിലാക്കിവരു മുക്ത്യോദയം പദ്ധതിയുടെ ഭാഗമായിട്ടാണ ്മരുത്തടി ഓംചേരിമഠം ഫ്‌ലാറ്റില്‍ ഫ്‌ലാറ്റ് നിവാസികളുടെ കൂട്ടായ്മ സംഘടിപ്പിച്ചത്. ഫ്‌ലാറ്റ് നിവാസിയായ ഫിലോമിന അമ്മ അധ്യക്ഷത വഹിച്ച കൂട്ടായ്മ സിറ്റി പോലീസ് കമ്മീഷണര്‍ കിരണ്‍ നാരായണന്‍ ഐ.പി.എസ് ഉദ്ഘാടനം ചെയ്തു. ശക്തികുളങ്ങര പോലീസ് ഇന്‍സ്പെക്ടര്‍ രതീഷ്.ആര്‍ ആമുഖ പ്രഭാഷണം നടത്തി. മുക്ത്യോദയം പദ്ധതിയുടെ ഭാഗമായി പ്രദേശത്തു നടന്നുവരുന്ന കൗസിലിംഗ് ഹെല്‍പ്പ് ഡെസിക്കിനെ കുറിച്ച് ആര്‍ദ്രനികേതന്‍ ഫാമിലി കൗസിലിംഗ് സെന്ററിലെ കൗസിലര്‍ ശോഭനാ മംഗളാനന്ദന്‍ വിവരിച്ചു. ശക്തികുളങ്ങര പോലീസ് സ്റ്റേഷന്‍ ജനമൈത്രി പോലീസ് ഉദ്യോഗസ്ഥ ബിന്ദു നന്ദി പറഞ്ഞു. മുക്ത്യോദയം ജില്ലാ കോ-ഓര്‍ഡിനേറ്റര്‍ സബ് ഇന്‍സ്പെക്ടര്‍ രാജു, ശക്തികുളങ്ങര പോലീസ്‌സ്റ്റേഷനില്‍ നിന്നുള്ള ഉദ്യോഗസ്ഥര്‍ ഫ്‌ളാറ്റിലെ ജനമൈത്രിസമിതി അംഗങ്ങള്‍ തുടങ്ങിയവര്‍ കൂട്ടായ്മക്ക് നേതൃത്വം നല്‍കി.