മുക്ത്യോദയം - കൗൺസിലിംഗ് ഹെൽപ്പ് ഡെസ്ക്കിന് ആദിച്ചനല്ലൂർ തുടക്കമായി

കൊല്ലം സിറ്റി പോലീസ് വിവിധ വകുപ്പുകളെ ഏകോപിപ്പിച്ച് സംഘടിപ്പിച്ച് വരുന്ന ലഹരി വിരുദ്ധ കർമ്മ പദ്ധതിയായ മുക്ത്യോദയത്തിൻ്റെ ഭാഗമായി ആദിച്ചനല്ലൂരിൽ കൗൺസിലിംഗ് ഹെൽപ്പ് ആരംഭിച്ചു. ആദിചനല്ലൂർ പഞ്ചായത്ത് അഞ്ചാം വാർഡിൽ മാമ്പഴത്ത് ഉന്നതിയിലെ എസ്.സി കമ്മ്യൂണിറ്റി ഹാളിൽ കൊല്ലം സിറ്റി പോലീസ് കമ്മിഷണർ ശ്രീമതി. കിരൺ നാരായണൻ ഐ.പി.എസ് ഭദ്രദീപം തെളിയിച്ചാണ് കൗൺസിലിംഗ് ഹെൽപ്പ് ഡെസ്ക്കിന് തുടക്കം കുറിച്ചത്. കൊല്ലം സിറ്റി പോലീസ് പരിധിയിലെ ഇരുപതോളം ദുർബല മേഖലകളിൽ മുക്ത്യോദയം പദ്ധതി പ്രകാരം കൗൺസിലിംഗ് ഹെൽപ്പ് ഡെസ്ക്കുകൾ പ്രവർത്തിച്ചു വരുന്നുണ്ട്. ഗ്രാമ പഞ്ചായത്തംഗം സജിത രംഗകുമാറിൻ്റെ അദ്ധ്യക്ഷതയിൽ ചേർന്ന ഉദ്ഘാടന സമ്മേളനത്തിൽ ചാത്തന്നൂർ ഐ.എസ്.എച്ച്.ഒ അനൂപ് സ്വാഗതവും മുക്ത്യാദയം ജില്ലാ കോ-ഓർഡിനേറ്ററായ സബ് ഇൻസ്പെക്ടർ രാജു ഡി നന്ദിയും പറഞ്ഞു. സബ് ഇൻസ്പെക്ടർമാരായ ഗോപകുമാർ ജി , രാജീവ് ആർ, മുക്ത്യോദയം കൗൺസിലർ കൂടിയായ കൺസൾട്ടൻ്റ് സൈക്കോളജിസ്റ്റ് ഡോ. അനിത സുനിൽ, ആശ വർക്കർ മിനി,ചാത്തന്നൂർ നിർഭയ വോളന്റീയർമാരായ ജയശ്രി, സജില ബിന്ദു, വിജയ നിർമല, ഡോ.മുരളി മെമ്മോറിയൽ ലൈബ്രറി ഭാരവാഹികളായ ഉമേഷ്, വിജയ, എസ്. സി. പ്രൊമോട്ടർ രേഖ തുടങ്ങിയവർ പരിപാടിക്ക് നേതൃത്വം നൽകി.