ഇന്ത്യന്‍ സംസ്ഥാനങ്ങളില്‍ ദൈവത്തിന്റെ സ്വന്തം നാട് എന്ന വിശേഷണമുള്ള കേരളത്തിലെ ഒരു നഗരമാണ് കൊല്ലം (ആംഗ്ലീഷ് നാമം: ക്വയിലോണ്, കോയിലോണ് എന്നാണ് ഉച്ചരിക്കുന്നത്). സംസ്ഥാന തലസ്ഥാനമായ തിരുവനന്തപുരത്ത് നിന്ന് ഏകദേശം 71 കിലോമീറ്റര്‍ (44 മൈല്‍) വടക്കായാണ് കൊല്ലം നഗരം സ്ഥിതി ചെയ്യുന്നത്. കേരളത്തിലെ നാലാമത്തെ വലിയ നഗരമാണ് കൊല്ലം, കശുവണ്ടി സംസ്‌കരണത്തിനും കയര്‍ നിര്‍മ്മാണത്തിനും പേരുകേട്ട ജില്ലയാണ കൊല്ലം. അഷ്ടമുടിക്കായലിന്റെ തീരത്താണ് നഗരം സ്ഥിതി ചെയ്യുന്നത്. കേരളത്തിലെ കായലുകളിലേക്കുള്ള തെക്കന്‍ കവാടമാണ് അഷ്ടമുടിക്കായല്‍, സംസ്ഥാനത്തെ പ്രമുഖ വിനോദസഞ്ചാര കേന്ദ്രം കൂടിയാണ് കൊല്ലം.

തെക്കന്‍ കേരളത്തില്‍ തിരുവിതാംകൂര്‍ രാജവാഴ്ച കാലത്ത് കൊല്ലം കച്ചവടത്തിന്റെ കേന്ദ്രബിന്ദുവായിരുന്നു. ഇന്ന് കേരളത്തിലെ മധ്യ തിരുവിതാംകൂര്‍ മേഖലയിലെ ഒരു പ്രധാന വ്യാപാര വാണിജ്യ കേന്ദ്രമാണ് കൊല്ലം. ക്വയിലോണ്‍ അല്ലെങ്കില്‍ കൊല്ലം അറേബ്യന്‍ തീരത്തുള്ള ഒരു പഴയ തുറമുഖ നഗരം കൂടിയാണ്, ഫിനീഷ്യന്‍മാരുടെയും റോമാക്കാരുടെയും കാലം മുതല്‍ ദേശിംഗനാടിന് അതായത് കൊല്ലം നാടിന് വാണിജ്യപരമായ പ്രശസ്തി ഉണ്ടായിരുന്നു. ചൈനീസ് വ്യാപാരത്താല്‍ പോഷിപ്പിക്കപ്പെട്ട നഗരമായിരുന്നു കൊല്ലം. 14-ാം നൂറ്റാണ്ടില്‍ ഇബ്ന്‍ ബത്തൂത്ത തന്റെ ഇരുപത്തിനാല് വര്‍ഷത്തെ യാത്രകളില്‍ കണ്ട അഞ്ച് തുറമുഖങ്ങളില്‍ ഒന്നായാണ് കൊല്ലം തുറമുഖത്തെ കണക്കാക്കിയത്. കൊല്ലത്തെ ക്വയിലോണ്‍ എന്നും തര്‍സിഷ് എന്നും വിളിച്ചിരുന്നു.